युवाहुकनके समस्या उजागर कैना चलचित्र निर्माण हुइना

पहुरा समाचारदाता
धनगढी, २१ अगहन । युवाहुक्रनके समस्या समेटल थारु चलचित्र निर्माण हुइना हुइल बा ।

हमार म्युजिक बगिया प्रालिके व्यानर ओ विन्दास मिडियाके सहकार्यमे थारु कला, संस्कृति संरक्षण ओ दस्तावेजीकरण कैना उद्देश्यसे चलचित्र निर्माण हुइ लागल हो ।

चलचित्र मार्फत यी क्षेत्रके युवाहुक्रनके समस्याहे फेन उजागर कैना जनाइल बा । थारु कलाकारहुक्रनहे समाज, संस्कृति, भाषा, कला तथा पर्यटन प्रवद्र्धन विकासमे जागरुक ओ उत्प्रेरित कैना उद्देश्यसे चलचित्र निर्माण करे लागल चलचित्र निर्माणके संयोजक फेरु चौधरी जानकारी डेलै ।

यिहे क्रममे चलचित्रके लाग कलाकार आवश्यक रहल संयोजक चौधरी जानकारी डेलै ।

उहाँ कलाकारिता क्षेत्रमे लागे चहुइया इच्छुक व्यक्ति आपन परिचय खुल्ना कागजात सहित अगहन २३ गते सुखडमे हुइना अडिसनमे सहभागिता जनाइ सेक्ना बटैलै ।