ट्रक दुर्घटनामे तीन जानेक घटनास्थलमे मृत्यु

बैतडी, २२ अगहन । महाकाली राजमार्गअन्तर्गत गोकुलेश्वर–दार्चुला सडकखण्डके मालिकार्जुन गाउँपालिका–१ भर्तोलामे गैल रात ट्रक दुर्घटना हुके तीन जानेक मृत्यु हुइल बा ।

मृत्यु हुइलमे ट्रक चालक बैतडीके दोगडाकेदार गाउँपालिका–५ न्वालीके २४ वर्षीय शेरसिंह कार्की रहल प्रहरी नायब उपरीक्षक पदमबहादुर विष्ट जानकारी डेलै । मृतक और दुईके पहिचान हुई नइसेकल हो । ओइने सक्कुहुनके घटनास्थलमे मृत्यु हुइल हो ।

गोकुलेश्वरसे दार्चुला सदरमुकाम खलङगाओजैटी रहल ना ३ ख ३४८५ नम्बरके ट्रक अँटवार सवा १० बजे दुर्घटनामे परल हो । ट्रक सडकसे झण्डे १२० मिटर तल गिरल बा ट्रकमे सवार तीनु जानेक मृत्यु हुइल ओरसे दुुर्घटनाके कारण खुले नइसेकल प्रहरी जनैले बा ।