सुदूरपश्चिममे कुल संक्रमित ११ हजार ८७५
सक्रिय संक्रमित २१ सय ७०, कोरोना मुक्त ९ हजार ६६३ जाने
पहुरा समाचारदाता
धनगढी, २३ अगहन । सुदूरपश्चिम प्रदेशमे कोरोना भाइरस संक्रमित हुइल सख्या अभिनसम ११ हजार ८७५ पुगल बा ।
सामाजिक विकास मन्त्रालयके प्रशासन तथा योजना अनुगमन महाशाखा मंगरके रोज डेहल जानकारी अन्सार अभिनसम कुल संक्रमितके संख्या ११ हजार ८७५ पुगलमे सक्रिय संक्रमितके संख्या २१ सय ७० ओ कोरोनासे मुक्त हुइलके संख्या ९ हजार ६६३ पुगल जनागिल बा ।
मंगरसम १ लाख २२ हजार १ सय ४३ जानेक स्वाबके नमूना संकलन कैगिलमे १ लाख २१ हजार ७ सय २ स्वाबके नमूना जाँच करलमे १ लाख ९ हजार ८ सय २७ नमूना रिपोर्ट निगेटिभ ओ ११ हजार ८ सय ७५ नमूना पोजेटिभ आइल महाशाखा जनैले बा । कलेसे अभिन ४ सय ४१ जानेक स्वाबके नमूना अइना बाँकी बा ।
सुदूरपश्चिम प्रदेशमे २१ सय ७० जाने सक्रिय संक्रमित मन्से सबसे ढेर कैलालीमे ६५४, कञ्चनपुरमे १६८, डोटीमे १६७, दार्चुलामे २५७, डडेल्धुरामे २१२, बाजुरामे ३६, बझाङ ३११ बैतडी ९९, अछाम २३१, और जिल्लाके ३३ ओ और देशके २ जाने रहल सामाजिक विकास मन्त्रालयके प्रशासन तथा योजना अनुगमन महाशाखा जनैले बा । यी प्रदेशमे अभिनसम कोभिड संक्रमितके मृत्यू हुइलके संख्या ४२ पुगल बा ।
ओस्टेक पछिल्का २४ घण्टामे करल टमान प्रयोगशालाके परिक्षणमे सुदूरपश्चिम प्रदेशमे ५९ जाने कोरोना भाइरस संक्रमित ठपल बटै । सेती प्रादेशिक अस्पतालके प्रयोगशालामे करल परिक्षणमे ४२ जाने, डडेल्धुरा अस्पतालके प्रयोगशालामे २, बझाङ अस्पतालके प्रयोगशालामे ८ ओ कमलबजार प्रयोगशालामे ७ जाने करके ५९ जाने कोभिड–१९ के संक्रमित ठपल हुइट । ओम्ने कैलालीके २४, कञ्चनपुरके १७, अछामके ७, बझाङके ८, बाजुराके १ ओ डडेल्धुराके २ जाने रहल बाटै ।
नेपालमे कोरोना ठिक हुइना दर ९४.१ प्रतिशत
नेपालमे कोरोनाभाइरस ठिक हुइना दर ९४.१ प्रतिशत रहल स्वास्थ्य तथा जनसंख्या मन्त्रालय जनैले बा । मन्त्रालयसे हाल देशभर सक्रिय संक्रमित १२ हजार ६८६ अर्थात ५.२१ प्रतिशत रहल जनैले बा ।
ओस्टेक संक्रमितमध्ये १६३७ अर्थात ०.६७ प्रतिशत ठिक हुइल बाटै । मन्त्रालयके अन्सार पछिल्का २४ घण्टामे ८ हजार ९४७ जानेक कोरोना परीक्षण हुईबेर १३ सय ८२ जनहनमे संक्रमण पुष्टि हुइल बा । जेम्ने महिला ५४६ ओ पुरुष ८३६ जाने रहल बाटै । (बाँकी ३ पेजमे) ओस्टेक १६ सय २१ जाने ठिक हुइल ओ २३ जानेक मृत्यु हुइल बा ।
यी संगे देशभर कोरोना संक्रमितके कुल संख्या २ लाख ४३ हजार ३७७ ओ ठिक हुइलके संख्या २ लाख २९ हजार ५४ जाने रहल बाटै । ओस्टेक मृत्यु हुइलके कुल संख्या १६३७ जाने रहल बा । कलेसे क्वारेन्टिनमे ५२३ जाने रहल बटै ।
संक्रमितमध्ये महिला ८४ हजार १५५ ओ पुरुष १ लाख ५९ हजार २२२ जाने रहल बाटै । प्रतिशतके आधारमे महिला ३४.५ ओ पुरुष ६६.५ प्रतिशत रहल बाटै । मन्त्रालयसे हालसम १७ लाख ९९ हजार ६८६ जानेक पीसीआर परीक्षण हुइल जनैले बा ।
