डडेल्धुरामे कोरोना संक्रमितके मृत्यु

पहुरा समाचारदाता
धनगढी, २३ अगहन । डडेल्धुरामे थप एक कोरोना संक्रमितके मृत्यु हुइल बा । जिल्लाके अमरगढी–५ बैठुइया ६० वर्षीय बृद्धाके सोम्मारके मृत्यु हुइल स्वास्थ्य कार्यालय डडेल्धुरा जनैले बा ।

सोम्मारके मृत्यु हुइल ओ परिवार कोरोनाके आशंका कैके शव उठैना आनाकानी करलपाछे कोरोना जाँच करेबर ओहकान रिपोर्ट पोजेटिभ आइल डडेल्धुराके कोभिड–१९ सम्पर्क व्यक्ति हरि भट्ट जानकारी डेलै ।

उहाँ विगत कुछ दिनसे बिरामी हुइल बटाइल बा । यी संगे सुदूरपश्चिममे कोरोना संक्रमित मृतकके संख्या ५९ पुगल बा ।