धनगढीके ३६ सहित ५१ जाने संक्रमिट ठप्लै

पहुरा समाचारदाता
धनगढी, २४ अगहन । पछिल्का २४ घण्टामे सेती प्रादेशिक अस्पतालके कोभिड–१९ के प्रयोगशालामे कैगिल परिक्षणमे धनगढीके ३६ सहित ५१ जनहनमे कोरोना भाइरस संक्रमण पुष्टि हुइल बा ।

सेती प्रादेशिक अस्पतालके सूचना अधिकारी दिलिपकुमार श्रेष्ठसे डेहल जानकारी अन्सार २८१ जानेक स्वाब परिक्षण करेबेर सबसे धनगढीके ३६ सहित ५१ जनहनमे कोरोना डेखा परल हो ।

ओम्ने धनगढीके ३५, कैलारी, गोदावरीके २/२ जाने, टीकापुरके एक जाने, भीमदत्त नगरपालिकाके ५, बेदकोटके ३, कृष्णपुर कञ्चनपुर, अछाम मंगलसेनके एक÷एक करके जम्मा ५१ जनहनमे संक्रमण पुष्टि हुइल हो । ओस्टेक सेती प्रादेशिकके अस्थाई कोभिड अस्पतालमे २९ जाने उपचार करैटी रहल बाटै ।