सुदूरपश्चिममे १४५ संक्रमित ठप्लै, २६५ चोखैलै
पहुरा समाचारदाता
धनगढी, २५ अगहन । सुदूरपश्चिम प्रदेशमे विफेक रोज १४५ जाने कोरोना संक्रमित ठपल बटै कलेसे २६५ जाने चोखाइल बटै ।
सामाजिक विकास मन्त्रालय प्रशासन तथा अनुगमन महाशाखासे डेहल जानकारी अन्सार पछिल्का २४ घण्टामे टमान प्रयोगशालामे करल १४५ जाने संक्रमित ठपल हुइट । जेम्ने कैलालीके ४५, कञ्चनपुरके ७, अछामके ४६, बैतडीके १८, बझाङके ४, बाजुराके ६, डडेल्धुराके ८, डोटीके ७ ओ और जिल्लाके एक जाने करके १४५ जाने रहल बाटै ।
सुदूरपश्चिम प्रदेशमे कुल संक्रमितके संख्या १२ हजार १४४ रहलमे ९ हजार ९ सय ४१ जाने कोरोना मुक्त हुइल बटै, कलेसे २१ सय ६० जाने सक्रिय संक्रमित रहल बाटै । विफेक रोज संक्रमितसे ढेर चोखुइयाके संख्या रहल बा । जेम्ने सबसे कैलालीमे २५८, कञ्चनपुरमे ६ ओ बैतडीके एक जाने कोरोना मुक्त हुइल बाटै ।
ओस्टेक पछिल्का २४ घण्टामे नेपालमे १२ सय १७ जनहनमे कोरोना भाइरस संक्रमण पुष्टि हुइल बा । स्वास्थ्यतथा जनसंख्या मन्त्रालयके अन्सार ७२३२ जानेक पीसीआर परीक्षणमे ७७४ पुरुष ओ ४४३ महिला करके १२ सय १७ जनहनमे संक्रमण पुष्टि हुइल हो ।
यी संगे नेपालमे कोरोना संक्रमितके कुल संख्या २ लाख ४५ हजार ६५० पुगल बा । पछिल्का २४ घण्टामे कोरोना भाइरस संक्रमणमुक्त हुइलके संख्या १०६४ रहल बा । हालसम ठिक हुइलके संख्या २ लाख ३१ हजार ६०१ पुगल बा । हाल देशभर १२ हजार ३८६ सक्रिय संक्रमित रहल बाटै ।
