मोटरसाइकल दुर्घटनामे एकके ज्यान गैल
पहुरा समाचारदाता
धनगढी, २५ अगहन । कैलालीमे मोटरसाइकल एकआपसमे टकराके १ जनहनके मृत्यु हुइल बा कलेसे ३ जाने घाहिल हुइल बाटै ।
पूर्वपश्चिम राजमार्ग अन्तरगत जिल्लाके गौरीगंगा नगरपालिका–३ के कुचैनीमे से १ प ५५७८ ओ से ६ प ३७११ के मोटरसाइकल एकआपसमे टकराके १ जहनके मृत्यु हुइल ओ ३ जाने घाहिल हुइल प्रहरी जनैले बा ।
से १ प ५५७८ नम्बरके मोटरसाइकलमे सवार धनगढी उपमहानगरपालिका–१९ के अन्दाजी १९ बरसके पुरन बोहोराके मृत्यु हुइल सुदूरपश्चिम प्रदेश ट्राफिक कार्यलय अत्तरिया जनैले बा ।
दुर्घटनामे परके गम्भीर घाहिल हुइल बोहोराके उपचारके क्रममे कोहलपुर मेडिकल कलेजमे मृत्यु हुइल हो ।
ओस्टके दुर्घटनामे परके घाहिल हुइल मोटरसाइकलके चालक धनगढी उपमहानगरपालिका–१७ के २१ रमेश बोहोराके कोहलपुरमे उपचार हुइटी रहल बा ।
औरे मोटरसाइकलके चालक धनगढी उपमहानगरपालिका–१५ के २१ बरसके हुकुमसिंह खत्री ओ पाछे सवार २२ बरसके निलु चौधरी फेन घाहिल हुइल बाटै । उहाँहुक्रनके धनगढीके मायामेट्रो अस्पतालमे उपचार हुइटी रहल प्रहरी जनैले बा ।
