बुडर–जोरायल सडकखण्डके कालोपत्रके काम अन्तिम चरणमे
डोटी, २६ अगहन । सुदूरपश्चिम प्रदेशके गौरवके आयोजनाके रुपमे लेटी आइल डोटीके बुडर–जोरायल सडकखण्डके बुडरसे रिठा गाउँसम करिब १२ किलोमिटर सडक कालोपत्रके काम करिब अन्तिम चरणमे पुगल बा ।
कालोपत्र निर्माणके जिम्मा पाइल कम्पनी राजेन्द्र निर्माण सेवासे कालोपत्रके काम करिब करिब अन्तिम चरणमे पुगल जनाइल बा । उ कामके शिलान्यास गैल कुवाँर २५ गते सुदूरपश्चिम प्रदेशके मुख्यमन्त्री त्रिलोचन भट्ट करल रहिट । उ सडकके सक्कु काम अइना जेठ मसान्तभिटर पूरा कैना करके ठेक्का सम्झौता हुइल बटाइल बा ।
क्का सम्झौता हुइलसंगे उ सडकके काम तीव्ररुपमे सञ्चालन हुइटी रहल सडक पूर्वाधार विकास कार्यालय डडेल्धुराके प्रमुख रामचन्द्र खत्री जानकारी डेलै । जिल्लामे पछिल्का समय विकास निर्माणके कामसे तीव्रता पैले बा ।
सुदूरपश्चिमके मुख्यमन्त्री त्रिलोचन भट्ट कामके जिम्मा लेना मने समयमे काम नइसेक्ना ठेकेदारहे कालोसूचीमे धारके कारवाही कैना निर्देशन डेहलसंगे यहाँके पुरान विकासके काम तीव्रता पाइल जोरायल गाउँपालिका–३ के स्थानीयवासी पवनकुमार साहु बटैलै ।
उहाँ कहलै, ‘कामके ठेक्का लेना मने काम नइकरके योजना अलपत्र पारके नेंग्ना ठेकेदारहे कालोसूचीमे रख्न मुख्यमन्त्रीसे निर्देशन डेहलपाछे अब्बे जिल्लामे पुराना विकासके योजना तीव्ररुपमे सुरु हुइल बा ।’
सडक कालोपत्र करेक लाग राजेन्द्र निर्माण सेवा डडेल्धुरासे कन्टेन्जेन्सी रकमसहित रु ७२ करोड ५६ करोड ३१ लाख १५ हजार ६५२ मे ठेक्का सम्झौता हुइल पूर्वाधार विकास कार्यालय डडेल्धुरा जनैले बा ।
