काँग्रेसके काल्ह हुइना विरोध सभाके तयारी पुरा

पहुरा समाचारदाता
धनगढी, २८ अगहन । नेपाली काँग्रेसके काल्ह (सोमबार) धनगढीमे हुइना विरोध सभाके तयारी पुरा हुइल बा ।

आज (अँटवारके) धनगढीमे पत्रकार सम्मेलनके आयोजना करटी विरोध सभाके तयारी पुरा हुइल नेपाली काँग्रेस कैलाली शाखा जनैले बा । डस्या डेवारीपाछे सरकार विरुद्ध विरोधके कार्यक्रम आघे बह्रैना पूर्ण रणनीति अनुसार सोम्मार कैलालीमे विरोध प्रदर्शन कैना सुरु करल काँग्रेस कैलालीके सभापति नरनारायण शाह (मनु) बटैलै ।

उहाँ पार्टीके वरिष्ठ नेता रामचन्द्र पौडेलहे गृह जिल्लामे दमन करल ओ कोरोना उपचारमे सरकार असफल हुइल कहटी ओकर समेट विरोध कैना प्रदर्शन करे लागल बटैलै ।

‘सरकारमे भष्टचार ओ व्यथिति बह्रटी गैल बा महिला हिंसाफे बह्रल बा हम्रे यकर समेत विरोध करबी’ उहाँ कहलै । काँग्रेससे प्रतिप्रक्षके भूमिका निभाई नइसेकल आरोप खेप्टी रहल बेला कैलालीमे विरोध प्रदर्शन आयोजना करे लागल हो ।

सोम्मार हुइना विरोध सभामे नेपाली काँग्रेसके केन्द्रीय सदस्य गगन थापा सम्बोधन कैना कार्यक्रम तय हुइल बा । ओस्टेक पूर्व मन्त्री रामजनम चौधरी, नेपाली काँग्रेस प्रदेश सभा सचेतक टेकबहादुर रैका ओ धनगढी उपमहानगरपालिका उपप्रमुख सुशीला मिश्र भट्टसेफे विरोध कार्यक्रममे सम्बोधन करही सोम्मार ११ बजे धनगढीके चौराहसे सुरु हुइना विरोध ¥याली पार्क चोकमे कोण सभामे परिणत हुइना काँग्रेस जिल्ला शाखा जनैले बा ।

विरोध सभामे कैलाली जिल्लाके टमान क्षेत्रसे १२ हजार ढेरके सहभागिता रहना सभापति शाह बटैलै । सोम्मार का“ग्रेससे देशव्यापी रूपमे ७७ जिल्लामे विरोध सभा प्रदर्शन करे लागल हो ।