गोहुँ बिया उत्पादन तालिम

पहुरा समाचारदाता
हसुलिया, २९ अगहन । कैलारी गाउँपालिका वडा नम्बर ७ अन्तर्गतके कृषकहुक्रनहे गोहुँ विउ उत्पादन तथा खेती प्रविधि सम्बन्धी स्थलगत तालिम अँट्वारके रोजसे बसन्तामे सुरु हुइल बा ।

कैलारी गाउँपालिका वडा नम्बर५ ओ ७ अन्तर्गतके मुख्यमन्त्री नमूना गाउँ गहु कृषक समन्वय समितिके आयोजना तथा कृषि ज्ञान केन्द्र कैलालीके प्राविधिक सहयोगमे तालिम सञ्चालन करल हो । तालिमके उद्घाटन कैलारी गाउँपालिका अध्यक्ष लाजुराम चौधरी करल रहिट ।

कार्यक्रमहे सम्बोधन कैटी अध्यक्ष चौधरी कृषकहुक्रनहे विजवृद्धि तालिम लेके स्थानीय स्तरमे धान गहुँ लगायतके बालीके बिया उत्पादन कैके बाहरसे अइना विउविजनहे प्रतिस्थापन कैनामे जोड डेहल रहिट ।

कार्यक्रममे वडा नम्बर ७ के वडा अध्यक्ष कमलप्रसाद चौधरी, कृषि ज्ञान केन्द्र कैलालीके भूमिराज उपाध्याय लगायतके पहुना रहल रहिट ।