सरकारहे खबरदारी करक लाग सडकमे उत्रली : गगन थापा
पहुरा समाचारदाता
धनगढी, २९ अगहन । नेपाली काँग्रेसके युवा नेता तथा पूर्व मन्त्री गगन थापा संसदसे भागल सरकारहे ठेगान लगैना नेपाली काँग्रेस सडकमे उत्रल बटैले बाटै ।
काँग्रेससे धनगढीमे आयोजित बिरोध सभाहे सम्बोधन करटी युवा नेता थापा सरकारहे ठेगानमे नाइ लगाइटसम नेपाली काँग्रेस घर फिर्ता नाइ हुइना बटैलै ।
‘सरकार शक्तिशाली बा । मने जनताहे शक्तिशाली बनाइक लाग सरकारसे कौनो काम करले नाइहो, हावादारी गफमे समय बिटैटी रहल बा । अइसीन हावादारी सरकारहे मुर्दाबाद फेन कलेसे नाइ फरक परी ।’ युवा नेता थापा भ्रष्टाचार नाइ करब कहुइया सरकार वाईड बडी पुरै खाइल आरोप लगैलै ।
नेकपा सरकारके सर्वससत्तावादके बिरोध करटी उहाँ राष्ट्रपति बिद्यादेवी भण्डारी आपनहे महारानी सम्झे लागल कहटी चर्को आलोचना समेत करलै । ‘राष्ट्रपति आँखी नचिम्क्याइट, हात लम्काइट, हिम्मत बा कलेसे काठमाण्डौंमे चुनाव लडे आइ परल ।’
राष्ट्रपति भण्डारी राष्ट्रपतिके मर्यादा ओ गरिमा कायम जैसिन सम्मानित होके बैठे पर्नामे नेकपाके नेताके रुपमे आपनहे प्रस्तुत करटी रहल यूवा नेता थापाके आलोचना रहे ।
उहाँ सुदूर पश्चिमके जनता लाचार ओ निरिह मुख्यमन्त्रीके कारण दुःख पाइल समेत अरोप लगैलै । मुख्यमन्त्रीके कारण सुदूर पश्चिमके जनताके परिवतर्नन ओ विकासके अपेक्षा पुरा हुइ नाइ सेकल बटैलै । ४० मिनेट लम्मा समय सम्बोधनमे उहाँ सत्तारुढ दलके नेताहुक्रनके आलोचनामे बिटाइल रहिट ।
पार्टीके वरिष्ठ नेता रामचन्द्र पौडेलहे गृह जिल्लामे दमन करल ओ कोरोना उपचारमे सरकार असफल हुइल कहटी नेपाली काँग्रेस देशभर विरोध प्रदर्शन करल हो ।
धनगढीमे हुइल विरोध सभामे पूर्व मन्त्री रामजनम चौधरी, नेपाली काँग्रेस प्रदेश सभा सचेतक टेकबहादुर रैका ओ धनगढी उपमहानगरपालिका उपप्रमुख सुशीला मिश्र भट्ट फे कार्यक्रमहे सम्बोधन करल रही ।
उहीसे आघे धनगढीके चौराहसे धनगढीके पार्कमोडसम विरोध ¥याली फेन निकारल रहे । सरकारमे भष्टचार ओ व्यथिति बह्रटी गैलपाछे नेपाली काँग्रेससे देशभर विरोध ¥याली सहित कोण सभा कैटी आइल बा ।
सम्बन्धित समाचार
नेपाली काँग्रेसके विरोध र्याली सुरु
काँग्रेसके काल्ह हुइना विरोध सभाके तयारी पुरा
‘काँग्रेस सरकारमे जैना हल्ला केल’
