दिगो सामुदायिक तथा वातावरण संरक्षण सहकारीके १४ औं वार्षिक साधारण सभा

पहुरा समाचारदाता
पहलमानपुर, ३० अगहन । दिगो सामुदायिक तथा वातावरण संरक्षण बहुउद्देश्यीय सहकारी संस्था लिमिटेड घोडाघोडी नगरपालिका–१० के १४ औं वार्षिक साधारण सभा तथा सार्वजनिक सुनुवाई कार्यक्रम सोम्मारके रोज निम्जल बा ।

सहकारीके अध्यक्ष पुष्कलबहादुर बमके अध्यक्षतामे हुइल कार्यक्रमके वडका पहुना सुदूरपश्चिम प्रदेशसभा सदस्य अमर साउँद रहल रहिट । ओ विशिष्ट पहुना घोडाघोडी नगरपालिका–१० के अध्यक्ष भीम बहादुर बम रहिट ।

कार्यक्रममे शुभकामना मन्तव्य घोटैली सामुदायिक वन उपभोक्ता समितिके अध्यक्ष धर्माराज कडेल, कलम बम बोडिङ स्कूलके व्यवस्थापक बजिरसिंह बम, घोडाघोडी जनजागरण मञ्चके सचिव होरीलाल सापकोटा, मोहन्याल बचत तथा ऋण सहकारी संस्था लिमिटेडके अध्यक्ष रामबहादुर रावल करले रहिट ।

ओस्टेक बार्षिक साधारणसभा कार्यक्रममे जेष्ठ नागरिक सोना खडका, चन्द्रकला खडका, सालिभान बम, दिलराम सापकोटा, दरबारीलाल चौधरी सम्मान कैगिल बा । ओस्टेक सहकारीके रामबहादुर चौधरी, नन्दा कामी, रामबहादुर कामी, वीरेन्द्रबहादुर घिमिरे ओ बाल बचतमे फरिस्ता घिमिरे, पृथ्वीराज घिमिरे, हिरुलाल डंगौरा लगायतहे सम्मान कैगिल रहे ।

सहकारीके आयव्यय प्रस्तुत ओमप्रकाश आचार्य, स्वागत मन्तव्य लेखा समिति सदस्य जयदत्त पाण्डे ओ संचालन शिक्षक नरबहादुर देउवा करले रहिट । सहकारीमे शेयर सदस्य २०५० बटै ।