अपांगता हुइल महिलाहे खाद्यान्न वितरण

पहुरा समाचारदाता
सुखड, ३० अगहन । कैलालीके घोडाघोडी अपांगता रहल महिलाहे खाद्यान्न वितरण करल बा । नगरपालिका भिट्टरके अपांगता रहल महिलाहे खाद्यान्न वितरण करल बा ।

वडा नम्बर १ ओ २ भिट्टरके २० महिलाहुक्रनहे राहत स्वरूप खाद्यान्न वितरण करल हो । १५ केजी चामल, ५ केजी पिठा, २ केजी दाल, २ केजी चिनी, १ किलो नुन, १ लिटर खैना तेल ओ ५ प्याकेट चिया पत्ती वितरण करल बा ।

घोडाघोडी नगरपालिकाके उपप्रमुख प्रेमकुमारी थापा ओ वडा नम्बर २ के वडा सदस्य उहाँहुक्रनहे खाद्यान्न वितरण करल रहिट ।

घोडाघोडी अपांगता सेवा समाजके सिफारिसमे २० जाने अपांगता रहल महिलाहे खाद्यान्न वितरण करल नेपाल अपांग महिला संघ कञ्चनपुर जनैले बा ।

सरकारसे करल कोरोना भाइरसके संघ्रमण नियन्त्रण ओ रोकथामके लाग आहृवान करल लकडाउनके कारण समस्यामे परल अपांग महिलाहुक्रनहे राहत वितरण करल नेपाल अपांग महिला संघ कञ्चनपुरके अध्यक्ष अनिता ढुंगना बटैली ।