ईमेज होटेल एलपिएलके हस्पिटालिटी पार्टनर
पहुरा समाचारदाता
धनगढी, ३० अगहन । फागुनमे हुएना एलपिएलके पाँचौ संस्करणके हस्पिटालिटी पार्टनरके रुपमे धनगढीके ईमेज होटेलसे साथ डेले बा ।
फागुन टिसरा साता धनगढीमे हुूइना लिटल फलावर प्रिमियर लिगके पाँचौ संस्करणमे ईमेज होटेल हस्पिटालिटी पार्टनर हुइल हो । अघिल्का वर्षफे ईमेज हस्पिटालिटी पार्टनर रहल रहे । प्रतियोगिताके लगातार दुसरा चो होटेल प्रतियोगितामे प्रायोजन करके साथ डेहल हो ।
लिटल फलावर स्पोर्टस एण्ड ईभेन्ट्के आयोजनामे हुइना प्रतियोगिताके प्रायोजन सम्झौता हुइल बा । आयोजकके ओरसे संस्थापक तथा प्रबन्धक रामचन्द्र शाही ओ ईमेल होटेलके ओरसे संस्थापक प्रबन्ध निर्देशक दीप रावत सम्झौता पत्रमे हस्ताक्षर करलै ।
ईमेज बुक्स एण्ड स्टेशर्नससंगे पछिल्का एक वर्षसे धनगढीमे ईमेज होटेल स्थापना हुूइल हो । अघिल्का बर्षके कुवाँरसे होटेल सञ्चालनमे रहल बा । अत्याधुनिक सुविधा सम्पन्न एसी रुम सहित होटेलमे २७ ठो कोठा रहल बा । मिटिङ हल क्याविन रेष्टुरेन्ट लगायतके सेवा होटेलसे डेटी आइल बा ।
शिक्षा क्षेत्रमे नम्मा समयसे आबद्ध रहटी आइलमे क्रिकेटके जग बैठाई लागल प्रतियोगितामे अपने योगदान करल होटेलके संस्थापनक प्रबन्ध निर्देशक दीप रावत बटैलै एलपिएलके तयारी सुरु हुइलसंगे प्रायोजक जोरना क्रम सुरु हुइटी रहल बा ।
