कैलारीमे कोभिड–१९ निगरानी समिति गठन
पहुरा समाचारतदाता
हसुलिया, १ पुस । कैलालीके कैलारी गाउँपालिका वडा नम्बर ५ मे बुधके कोभिड–१९ महामारी रोकथाम तथा व्यवस्थापन सम्बन्धी वडा स्तरीय सचेतना कार्यक्रम हुइल बा ।
कोरोना महामारीके संक्रमण रोक्न उद्देश्यसे वडा स्तरीय सचेतना कार्यक्रम करल हो वडा अध्यक्ष विष्णुप्रसाद चौधरीके अध्यक्षतामे हुइल कार्यक्रममे वडा सदस्य, स्वास्थ्यकर्मी कुसुम चौधरी, जानकी पन्त, विद्यालयक शिक्षक, टमान गाउँक भलमन्साके उपस्थिति रहे ।
उ क्रममे वडा अध्यक्ष विष्णु चौधरीके संयोजकत्वमे कोभिड–१९ महामारी रोकथाम, नियन्त्रण तथा व्यवस्थापन निगरानी समिति गठन करल बा समितिके सदस्यमे बीओपी पलियाके गणेशबहादुर रोकाया, इलाका प्रहरी कार्यालय हसुलियाके भरत विष्ट, हेल्थ पोष्ट पवेराके जानकी पन्त रहल बटै ।
ओस्टेक करके, भल्मन्सा मानबहादुर चौधरी, हनुमान चौधरी, रामप्रसाद चौधरी, महिला स्वास्थ्य स्वयम् सेविका शान्ती चौधरी, गन्धवी चौधरी, सुशीला चौधरीफे सदस्य रहल बटै ।
ओस्टेक और सदस्यमे सुनहरात ताल माविके कृष्णकुमार चौधरी, चेतनशील महिला बहुद्देश्यीय सहकारी संस्था लिमिटेडके हिरा चौधरी, कृष्णा चौधरी जनकल्याण मावि पवेराके छेदुराम चौधरी रहल बटै । समितिके सदस्य सचिवमे पूर्व वडा सचिव सोनुराम चौधरीहे चयन करल बा ।
निगरानी समितिसे कोरोना महामारीके संक्रमण रोकथाम, नियन्त्रण ओ व्यवस्थापनके लाग काम कैना जनैले बा । ओस्टेक करके उ समितिसे वडामे निगरानीसमेत करी ।
