रेशमहे अदालतसे पुनः दोषी ठहर कैना दुःखद्– बाबुराम
पहुरा समाचारदाता
धनगढी, ३ पुस । पूर्वप्रधानमन्त्री बाबुराम भट्टराई प्रतिनिधिसभा सदस्य रेशम चौधरी लगायतकेहे अदालतसे पुनः दोषी ठहर कैना दुःखद रहल टिप्पणी करले बाटै ।
नता समाजवादी पार्टीके नेता समेत रहल भट्टराई सामाजिक सञ्जाल फेसबुकमार्फत टिप्पणी करटी थारु जातिके मुक्ति अभियानमे लागल नेताहुक्रनहे अदालतसे पुनः दोषी ठहर कैना अत्यन्त दुःखद रहल उल्लेख करल हुइट ।
‘सांसद रेशम चौधरी, लक्ष्मण थारू लगायतके नेपालके सम्भवतः सबसे पुरान मने अत्यन्त उत्पीडित थारू जातिके मुक्ति अभियानमे लागल नेताहुक्रनहे अदालतसे पुनः दोषी ठहर कैना अत्यन्त दुःखद बा!’ भट्टराई लिख्ले बाटै ।
उहाँ प्रधानमन्त्री केपीशर्मा ओली, नेकपा अध्यक्ष पुष्पकमल दाहाल प्रचण्डहे लक्षित करटी झापाविद्रोह ओ जनयुद्धके नायकहुक्रे सत्तासीन रहल बेला थारूविद्रोहके भर अपराधीकरण हुइना विडम्बनापूर्ण ओ खेदजनक हुइल समेत उल्लेख करले बाटै ।
उच्च अदालतसे बिहीबार रेशम चौधरीसहितके ७ जनहनके हकमा जिल्ला अदालतके जन्मकैदके फैसला सदर ओ ३ बरस कैद सजाय सुनाइल लक्ष्मण थारुहे जन्मकैद करलपाछे भट्टराइके अइसीन प्रतिक्रिया आइल हो ।
सम्बन्धित समाचार
