कैलाली बहुमुखी क्याम्पस ५ गतेसे सञ्चालन हुइना

पहुरा समाचारदाता
धनगढी, ३ पुस । कैलाली बहुमुखी क्याम्पस अँट्वारसे कक्षा सञ्चालन कैना हुइल बा ।

क्याम्पससे बिफेक रोज सूचना जारी करटी पुस ५ गते अँट्वारसे कक्षा सञ्चालन करजैना जनाइल हो । सार्वजनिक सूचना अनुसार कक्षा १२ के पठनपाठन सकारे ११ बजेसे हुइना बा कलेसे स्नातकोत्तर ओरके कक्षा दिनके ओ सकारेके समयमे सञ्चालन हुइना हुइल बावै ।

कक्षा ११ के कक्षा पुस ८ से ओ स्नातक तह पहिल बरसके कक्षा पुस १२ गतेसे सञ्चालन हुइना कहल बा । सक्कु कक्षा स्वास्थ्य सुरक्षाके मापदण्डके पालन कैके सञ्चालन करजैना क्याम्पस जनैले बा ।