परियोजनाके मजा अभ्यास सिकाई एवं दिगोपनबारे छलफल

पहुरा समाचारदाता
धनगढी, ३ पुस । सीमान्तकृत बालिकाहरुको शिक्षामा सहयोग (स्टेम टु) परियोजना अन्र्तगत मजा अभ्यास सिकाई एवं दिगोपन सम्बन्धी कार्यशाला धनगढीमे सम्पन हुइल बा ।

सीमान्तकृत बालिकाहरुको शिक्षामा सहयोग (स्टेम) परियोजना युके.एड.के आर्थिक सहयोगमे मर्सिकोर नेपाल ओ बेस कैलालीसे संचालन करटी मजा अभ्यास सिकाई एवं दिगोपनबारे सरोकारवाला निकायविच छलफल करल रहे ।

कार्यक्रममे व्याकवार्ड सोसाइटी एजुकेशन (वेस) कैलालीके कार्यक्रम संयोजक लक्ष्मण चौधरी स्टेम टु परियोजनासे करल मजा अभ्यास सिकाई एवं दिगोपनके गतिविधिबारे जानकारी करैले रहिट । उहाँ सीमान्तकृत बालिकाहरुको शिक्षामा सहयोग (स्टेम) परियोजना अन्र्तगत एक उप–महानगरपालिका, ३ नगरपालिका ओ २ ठो गाउँपालिका अन्तर्गतके ३० विद्यालयके ९ हजार बालिका प्रत्यक्ष लाभान्वित हुइल बटैलै ।

सन २०१७ से २०२० सम रहल परियोजना अन्र्तगत विद्यालयमे अध्ययनरत सीमान्तकृत बालिकाहे पढाईमे सहयोग ओ आर्थिक अवस्थाके कारण विद्यालय छोरल बालिकाहे आयमुलक तालिम पश्चात व्यवसायके लागि सहयोग करल कार्यक्रम संयोजक चौधरी बटैलै ।

कार्यक्रममे टमान विद्यालय व्यवस्थापन समितिके अध्यक्ष, स्थानीय तहके जनप्रतिनिधि सीमान्तकृत बालिकाहरुको शिक्षामा सहयोग (स्टेम) परियोजनासे सीमान्तकृत बालिकाहुकनके पढाईमे सहयोग पुगल बटैले रहिट ।

सुदूरपश्चिम प्रदेश सामाजिक विकास मन्त्रालयके उपसचिव झकंर बहादुर विष्ट कार्यक्रममे सहजीकरण करटी परियोजनाके गतिविधिसे सीमान्तकृत बालिकाहुकनके सिकाईमे सहयोग पुगाइल ओरसे यिहीहे निरन्तता डेहे पर्नामे जोड डेहल रहिट ।

धनगढी उपमहानगरपालिकाके नगर उपप्रमुख सुशीला मिश्र भट्ट परियोजनासे सीमान्तकृत बालिकाहे विद्यालयमे रहिरहन, आउर मजा गुणस्तरके शिक्षामे पहुँच पुगैना, देशके मानक परीक्षामे साक्षरता ओ अंकविज्ञानमे मजा नतिजा नन्ना सहयोग करल बटैली । उहाँ कहली परियोजना लागु हुूइल विद्यालयमे छात्रसे छात्रासे मजा अंक नन्टी रहल नतिजा डेखजाइठ ।’ परियोजनाके गल्र्स ट्रान्जिसन फण्डमार्फत अपने व्यवसाय करके आत्मनिर्भर हुइल उपप्रमुख भट्ट बटैली ।

‘वेरोजगारीसे प्रलोभनमे परके ढेर दिदीबहिनीया बेचविखनमे परे सेक्ही, उहाँ कहली, ‘परियोजनासे ओइनहे तालिम पश्चात व्यवसायके लाग सहयोग करल ओरसे ओइने ढुक्क हुके अपने व्यवसाय करलपाछे आयआर्जनमे वृद्धि हुइल बा ।’

परियोजनाके सहयोगसे गुणस्तरीय शिक्षामे सहयोग पुगलफे उहाँ बटैली । कार्यक्रमके अध्यक्ष समेत रहल धनगढी उपमहानगरपालिकाके नगरप्रमुख नृप बहादुर वड सार्वजनिक विद्यालयके भौतिक पूर्वधारके अवस्था बहुट कम्जोर रहल ओरसे अभिनसम सुधार कैना ढेर समय लागल बटैलै ।

उहाँ कहलै, गुणस्तरीय शिक्षाके लाग भौतिक पूर्वधार हुइना जरुरी रहठ, ढेर विद्यालयमे छात्र छात्राके अलग्गे शौचालय नइहो, विद्यालयमे बाउन्ड्री नइहुके पढाईमे असर परल बा ।’ उहाँ परियोजनासे करल मजा अभ्यास ओ सिकाईहे निरन्तता डेहे पर्ना ओ गुणस्तरीय शिक्षाके लाग सक्कुहुनके समन्वय आवश्यक रहल बटैलै । कार्यक्रम धनगढी उपमहानगरपालिकाके आयोजनामे हुुइल रहे ।