किसानहे अनुदानमे मिनी ट्रयाक्टर
पहुरा समाचारदाता
हसुलिया, ३ पुस । कृषिमे आधुनिकीकरण ओ यान्त्रिकीकरण कैना लक्ष्य लेहल कैलारी गाउँपालिकासे किसानहे अनुदानमे मिनी ट्रयाक्टर वितरण करले बा ।
गाउँपालिकासे ५० प्रतिशत अनुदानमे ४९ जाने किसानहे पावरटिलर डेहल हो । शुकके एक कार्यक्रमके बीच गाउँपालिकाके अध्यक्ष लाजुराम चौधरी, उपाध्यक्ष लक्ष्मी सत्गौंवा ओ प्रमुख प्रशासकीय अधिकृत खगेन्द्रराज जोशी संयुक्त रुपमे पावरटिलर हस्तान्तरण करलै ।
ओस्टेक करके, दुई जाने किसानहे रिपर ओ साना सिँचाइ कार्यक्रमके लाग ६७ जाने किसानहे पानी तन्ना पानी मोटर वितरण करल कृषि शाखा प्रमुख दीपक खड्का जानकारी डेलै ।
कृषि आधुनिकीकरण ओ यान्त्रिकीकरणमे सहयोग पुगैना उद्देश्यसे गाउँपालिकासे हरेक वर्ष किसानहे अनुदानमे कृषि उपकरण उपलब्ध करैटी आइल प्रवक्ता कमलप्रसाद चौधरी बटैलै ।
कृषियन्त्र उपकरण वितरणके लाग उ गाउँपालिकासे चालू आर्थिक वर्षमे ५० लाख रुप्या बजेट विनियोजन करल रहे । ‘पावरटिलर ओ रिपरके लाग ४० लाख ओ मोटर खरिदके लाग १० लाख रुप्या छुट्टयइल रहे, कृषि शाखा प्रमुख खड्का कहलै ।
