सात मन्त्रीनसे सामूहिक राजीनामा

काठमाडौ, ५ पुस । संसद विघटन कैना प्रधानमन्त्रीके कदमप्रति असहमति जनैटी प्रधानमन्त्री केपी ओली नेतृत्वके मन्त्रिपरिषद्के सात मन्त्री सामूहिक राजीनामा डेले बटै । राजीनामा डेहुइयामे पूर्वमाओवादी निकट ओ पूर्वएमाले निकटके माधव नेपाल समूहके मन्त्री रहल बटै ।

अँटवार सिंहदरबारमे पत्रकार सम्मेलन करके ओइने राजीनामाके घोषणा करल हुइट । राजीनामा डेना मन्त्रीमे कृषि मन्त्री घनश्याम भुषाल ओ पर्यटन मन्त्री योगेश भटराईसहित उर्जामन्त्री वर्षमान पुन, वन मन्त्री शक्ति बस्नेत, शिक्षामन्त्री गिरिराजमणि पोखरेल, श्रममन्त्री रामेश्वर राय यादव ओ खानेपानी मन्त्री विना मगर रहल बटै ।