थप ८५ जनहनमे कोरोना संक्रमण

पहुरा समाचारदाता
धनगढी, ८ पुस । सेती प्रादेशिक अस्पतालमे करल परीक्षणमे थप ८५ जनहनमे कोरोना भाइरसके संक्रमण पुष्टि हुइल बा ।

सेती प्रादेशिक अस्पताल प्रयोगशालामे ३५३ नमूना परीक्षण करेबर थप ८५ जनहनमे संक्रमण पुष्टि हुइल हो । अस्पतालके सूचना अधिकारी दिलिपकुमार श्रेष्ठके अनुसार २६ महिला ओ ५९ पुरुषमे संक्रमण पुष्टि हुइल हो । बुधके धनगढी उप–महानगरपालिकाके थप १९ जनहनमे संक्रमण डेखल जानकारी डेलै ।

कैलालीके गोदावरी नगरपालिकाके १६ जाने, गौरीगंगा नगरपालिकाके ९ जनहनमे संक्रमण पुष्टि हुइल बा ।

उहोर कञ्चनपुरके भीमदत्त नगरपालिकाके २०, बेलौरीके १३ बेदकोट नगरपालिकाके ३ जाने, शुक्लाफाँटा नगरपालिकाके ४ जनहन ओ कञ्चनपुरके स्थानीय तह नाइ खुलल् १ जनहनमे फेन संक्रमण पुष्टि हुइल सूचना अधिकारी श्रेष्ठ जानकारी डेलै ।