कैलाली अस्पतालसे स्पाइन सर्जरी सेवा सुरु
पहुरा समाचारदाता
धनगढी, ८ पुस । धनगढी उपमहानगरपालिका वडा नं १ पशुपति टोल स्थित कैलाली अस्पतालसे स्पाइनल सर्जरी सेवा थप विस्तार करले बा ।
बुधके रोज पत्रकार सम्मेलन करटी अस्पतालके सञ्चालक जनकराज जोशी उ सेवा विस्तार करल जनाइल हुइट । स्पाइन सेवा विस्तार संगे यी रोगसे पीडित सेवाग्राही अपने ठाउँमे सस्ता ओ सर्वसुलभ सेवा लेहे पैना सञ्चालक जोशी बटैलै ।
अस्पतालसे सुदूरपश्चिम प्रदेशमे पहिलचो यी सेवा विस्तार करल जनैले बा । यिहीसे हाडजोर्नी, नसा सम्बन्धिके विरामी उपचारके लाग आबसे अन्यत्र बाहर नाइ जाइ पर्ना अस्पताल दाबी करले बा । यिहीसे पहिले हाडजोर्नी, नसा लगायत चोट पटक लागल बिरामी नेपालगंज, काठमाण्डौं लगायत देश बाहर जाइ पर्ना अवस्था रहल रहे ।
स्पाइन सर्जरीके लाग अस्पतालसे डा. ज्ञानेन्द्र जोशीसे सेवा डेना जनाइल बा । डा. जोशी अर्थोपेडिक सर्जन हुइट कलेसे उहाँ स्पाइन सर्जरीमे यूएससे फेलोसिप करले बाटै ।
