सामुदायिक वनसे काठ विक्री करे पैना माग
पहुरा समाचारदाता
पहलमानपुर, १० पुस । वैज्ञानिक वन व्यवस्थापन सरोकारवालाके संजाल कैलाली, कञ्चनपुरसे कटानी करल कठुवा विक्री करे पाई पर्ना माग करले बा ।
शुकके रोज पत्रकार सम्मेलनके आयोजना करके वैज्ञानिक वन व्यवस्थापनके लाग कटानी करल कठुवा विक्री करे पाई पर्ना माग करल रहिट ।
संजालसे संघर्षके घोषणा करटी यिहे पुस १२ गते डिभिजन वन कार्यालय कैलाली, कञ्चनपुर पहलमानपुरमे धर्ना डेना, १३ गते कैलाली कञ्चनपुर जिल्ला प्रशासन कार्यालयमे धर्ना, १४ गते सुदूरपश्चिम प्रदेश उद्योग पर्यटन वन तथा वातावरण मन्त्रालयमे धर्ना, १५ गते मुख्यमन्त्री कार्यालयमे धर्ना डेना पत्रकार सम्मेलनमे जानकारी डेहल बा ।
ओस्टेक माग सुनुवाई नइहुइलेसे पुस १६ गते राजमार्गमे चक्काजाम कैना सामुदायिक वन समन्वय समिति पहलमानपुरके संयोजक पुष्कलबहादुर बम जनैलै ।
पत्रकार सम्मेलनमे चोरी शिकारी नियन्त्रण दल घोडाघोडी नपा स्तरीय संयोजक अर्जुन कठरिया, घोडाघोडी नपा ओ भजनी नपाभिटर टमान सामुदायिक वनके अध्यक्षहुकनके उपस्थिति रहे ।
