खोज अनुसन्धान प्रतिवेदनमे छलफल तथा अन्तरक्रिया
पहुरा समाचारदाता
धनगढी, १० पुस । कोभिड–१९ के कारण कैगिल लकबन्दीके अवधिममे लैङिक हिंसा सम्बन्धी हुइल खोज अनुसन्धान प्रतिवेदनमे शुकके रोज धनगढीमे छलफल तथा अन्तरक्रिया हुइल बा ।
डिसिएके आर्थिक सहयोग तथा दलित महिला अधिकार मञ्च (डिडब्लुआरएफ) नेपालके आयोजनामे हुइल कार्यक्रममे शिक्षाविद डा. हेमराज पन्त लैङिक हिंसा सम्बन्धी कैगिल खोज अनुसन्धान प्रतिवेदन प्रस्तुत करल रहिट ।
प्रतिवेदन प्रस्तुत करटी उहाँ आर्थिक अवस्था कम्जोर रहल परिवारमे हुइल धेर घटना बाहेर आइल बटैलै । अनुसन्धानमे ५० प्रतिशत मुद्दा थारु समुदाय भिटर, बाँकी और समुदायमे रहल उहाँ जनैलै । कम उमेर भोज करल, डाई वैदेशिक रोजगारमे गैल बालिका हिंसामे परल उहाँ जनैलै ।
कार्यक्रममे धनगढी उपमहानगरपालिका नगर उपप्रमुख सुशिला मिश्रभट्ट, इन्सेक प्रदेश संयोजक खडकराज जोशी, गैर सरकारी संस्था महासंघ प्रदेश अध्यक्ष देवीप्रसाद खनाल लगायत लकबन्दीके बेला ढेर लैंगिक हिंसाके घटना हुइल बटैलै । ओस्टेक उ अवधिमे लौवा सिकाईके विकासफे हुइल उहाँहुक्रे बटैलै ।
कार्यक्रम दलित महिला अधिकार मञ्च (डिडब्लुआरएफ) नेपालके अध्यक्षता सावित्रा घिमिरेके अध्यक्षतामे हुइल रहे ।
