उवामहासंघ सुदूरपश्चिमके अध्यक्षमे फेनसे बोगटी चयन

पहुरा समाचारदाता
धनगढी, १२ पुस । उद्योग वाणिज्य महासंघ सुदूरपश्चिमके अध्यक्षमे शंकर बोगटी दोसर कार्यकालके लाग फेन अध्यक्षमे सर्वसम्मत चयन हुइल बाटैं ।

शनिच्चर डोटीमे हुइल उद्योग वाणिज्य महासंघके चौठा वार्षिक साधारण सभा बोगटीहे प्रदेश अध्यक्षमे दोसर कार्यकालके लाग फेन सर्वसम्मत चयन करल हो ।

महासंघके उपाध्यक्षमे उद्योग वाणिज्य संघ टीकापुरके अध्यक्ष समेत रहल रामबहादुर भण्डारी सर्वसम्मत चयन हुइल बाटैं ।

अस्टेक, एशोसिएट उपाध्यक्षमे धनगढीके हार्डवयर व्यवसायी अनिलकुमार भुजनीया, कोषाध्यक्षमे बझाङ उद्योग वाणिज्य संघके अध्यक्ष दानकुमार शर्मेली फेन सर्वसम्मत चयन हुइल उद्योग वाणिज्य महासंघ सुदूरपश्चिम जनैले बा ।