कञ्चनपुरमे नेकपाके दुई समूह बिच तनाब

कञ्चनपुर, १२ पुस । नेकपाके विभाजित दुई पक्ष कञ्चनपुरके पार्टी कार्यालय कब्जा करे खोजेबर कार्यालय परिसरमे दुई पक्षबीच भिडन्तके अवस्था बनल बा ।

दुई पक्षबीच भिडन्तके अवस्था हुइलपाछे अब्बे ढिउर संख्यामे सुरक्षाकर्मी परिचालित बाटै कलेसे प्रचण्ड–नेपाल नेतृत्वके नेकपाके स्थानीय नेता कार्यकर्ता ओ केपी ओली पक्षके नेता कार्यकर्ताबीच उ ठाउँमे विवाद तथा घम्साघम्सी हुइल बा ।

नेता भीम रावलके उपस्थितिमे कञ्चनपुर पार्टी कार्यालयमे प्रचण्ड–नेपाल पक्ष १२ बजे ओर कार्यक्रम कैना तयारी करलपाछे उहीहे रोकक् लाग ओली पक्ष कार्यालयमे ताला लगाइल रहे ।
पाछे प्रचण्ड–नेपाल पक्षसे ताला खोलके कार्यक्रम करे खोजलपाछे कार्यालय स्थलमे झडपके अवस्था हुइल हो ।