सुदूरपश्चिममे कोरोना संक्रमित १३ हजार ढेर
पहुरा समाचारदाता
धनगढी, १२ पुस । सुदूरपश्चिम प्रदेशमे कोरोना संक्रमितके संख्या १३ हजार ३६० पुगल बा ।
सामाजिक विकास मन्त्रालय सुदूरपश्चिम प्रदेशसे डेहल जानकारी अन्सार १ लाख ३० हजार ७ सय २० जानेक स्वावके नमूना संकलन करलमे १ लाख ३० हजार ९१ स्वावके जाँच कैगिल बा । अँटवारसम १३ हजार ३६० जानेक कोरोना रिपोर्ट पोजेटिभ आइलमे ओम्नेसे १० हजार ७६७ संक्रमण मुक्त हुइल ओ २५ सय ४३ जाने सक्रिय संक्रमित रहल मन्त्रालय जनैले बा ।
अँटवारके रोज ६२ जाने लौव संक्रमित ठपलमे सबसे ढेर कैलालीके ३३, कञ्चनपुरके २४, अछामके १ ओ बझाङके ४ जाने रहल बटै । प्रदेशमे कोभिड संक्रमितके मृत्यू हुइल संख्य ५० पुगल बा ।
ओस्टेक पछिल्का २४ घण्टामे ठप ४८१ जनहनमे कोरोना भाइरस (कोभिड–१९) के संक्रमण पुष्टि हुइल बा । देशभरके प्रयोगशालामे ३८२८ नमुना परीक्षण करेबेर ओइनमे संक्रमण पुष्टि हुइल हो ।
यी संगे कुल संक्रमितके संख्या २ लाख ५८ हजार पुगल बा । ओइने मन्से २ लाख ४९ हजार ८६३ जाने संक्रमणमुक्त हुइल बटै कलेसे १८२५ जानेक मृत्यु हुूइल स्वास्थ्य तथा जनसंख्या मन्त्रालय जनैले बा ।
