कृषकहे झारनाशक विषादी ओ स्प्रे ट्यांकी

पहुरा समाचारदाता
हसुलिया, १२ पुस । प्रधानमन्त्री कृषि आधुनिकीकरण परियोजना ओ श्री वनदेवी कृषि सहकारी संस्थाके साझेदारीमे सञ्चालित गहुँ बिज वृद्धि कार्यक्रम अन्तर्गतके कृषकहे झारनाशक विषादी ओ स्प्रे ट्यांकी हस्तान्तरण करल बा ।

सहकारीके उपाध्यक्ष तीर्थप्रसाद नेपालके घरगोसियाइमे हुइल कार्यक्रममे कैलाली गाउँपालिका अन्र्तगतके ३३ जाने कृषकहे उ सामग्री हस्तान्तरण करल हो । गाउँपालिका अन्तर्गतके वडा नम्बर १, २, ३, ४, ५, ६ ओ ७ मे गहुँ बिज वृद्धि कार्यक्रम सञ्चालन करल बा । सहकारी अपनहे फेन कृषकहुक्रनहे सहयोग कैके धान, गहुँ, मसुर लगायत बालीके बिज वृद्धि कार्यक्रम सञ्चालन करटी आइल बा ।

कार्यक्रममे कृषि अधिकृत रुषा रेग्मी विषादीके प्रयोगबारे जानकारी डेह रहिट । झारनाशक विषादी ३३ लिटर ओ स्प्रे ट्यांकी ८ ठो वितरण करल सहकारीके कार्यक्रम संयोजक कृष्ण चौधरी जानकारी डेलै ।