निर्वाचनके लाग तयार रहना कांग्रेससे निर्देशन
पहुरा समाचारदाता
धनगढी, १३ पुस । प्रतिनिधिसभा विघटनविरुद्ध नेपाली कांग्रेससे धनगढीमे प्रदर्शन करले बा ।
प्रतिनिधिसभा विघटनविरुद्ध कांग्रेससे देशभर कैना विरोध प्रदर्शन कार्यक्रम अन्र्तगत सोम्मारके धनगढीमे फेन प्रर्दशन करल हो ।
कांग्रेससे धनगढीके क्याम्पसचोकसे चौराहासम ¥यालीके आयोजना कैके प्रदर्शन करल हो । ¥याली पाछे चौराहामे हुइल कोण सभाहे सम्बोधन करटी नेपाली कांग्रेस कैलालीसे निर्वाचनके लाग तयार रहना पार्टीके सक्कु नेताकार्यकर्ताहे निर्देशन डेले बा ।
सभाहे सम्बोधन करटी जिल्ला सभापति नरनारायण शाह (मनू) निर्वाचनके तयारीमे लाग्न कार्यकर्ताहे निर्देशन डेलै । निर्वाचनके मिती घोषणा हुइलेसे फेन निर्वाचन हुइनामे अन्यौलता रहल उहाँ बटैलै ।
‘निर्वाचनके मिती टे घोषणा करल बा । मने निर्वाचन हुइना छाँटगाँठ नाइ बिल्गठ्,’ उहाँ कहलै, ‘हुइलेसे फेन तोकल मितिमे निर्वाचन नाइ हुइ ।’
नेकपामे आन्तरिक कलह रहल ओरसे निर्वाचन नाइ हुइना उहाँ ठोकुवा करलै । सभाहे धनगढी उपमहानगरपालिकाके मेयर नृपबहादुर वड लगायत नेताहुक्रे सम्बोधन करल रहिट ।
धनगढीके क्याम्पस चोकसे सुरु हुइल बिरोध र्यालीमे कांग्रेसके कार्यकर्ता ‘नालायक केपी सरकार मुर्दावाद, नेपाली जनता के भन्छ कांग्रेसहे ल्या भन्छ, नेकपा मुर्दावाद, ओलीके सर्वसत्ता मुर्दावाद’ लगायतके नारा लगाइल रहिट ।
प्रधानमन्त्रीके सिफारिसमे राष्ट्रपतिसे पुस ५ गते संसद् विघटन करलपाछे ६ गते नै पदाधिकारी बैठकसे उ कदमहे असंवैधानिक, अलोकतान्त्रिक ओ अधिनायकवाद उन्मुख रहल कहटी कांग्रेससे सोम्मारके देशभर विरोध प्रदर्शन करले बा ।
ओस्टके कैलालीके अत्तरियामे फेन विरोध प्रदर्शन हुइल बा । कैलालीके क्षेत्र नम्बर ५ के पार्टी कार्यलयसे सुरु हुइल विरोध ¥याली अत्तरिया चौराहमे पुगके सभामे परिणत हुइल रहे ।
सभाहे नेपाली काँग्रेस क्षेत्र नम्बर ५ के क्षेत्रिय सभापति दिनेशराज जोशीके अध्यक्षतामे हुइल रहे ।
सभाहे काँग्रेसके पुर्व केन्द्रीय सदस्य सुनिल राज भण्डारी, पुर्व राज्यमन्त्री दीर्घराज भाट, पुर्व राष्ट्रिय सभा सदस्य हिरादत्त भट्ट, महिला नेत्री तुल्सी देवकोटा, क्षेत्रीय कोषाध्यक्ष रमेश ताम्राकार ओ नगर सचिव सचिव तेज खड्का लगायत सम्बोधन करल रहिट ।
विरोध प्रदर्शनमे गोदावरी, गोरीगंगा नगरपालिका ओ चुरे गाउँपालिका स्थानीयहुक्रनके सहभागिता रहल रहे ।
