डंगौरा थारू भाषाके वर्ण निर्धारणसहित १४ पुस्तक विमोचन

पहुरा समाचारदाता
काठमाडौं, १४ पुस । आदिवासी जनजाति उत्थान राष्ट्रिय प्रतिष्ठानसे प्रकाशित १४ ठो पुस्तकके अँट्वारके रोज विमोचन हुइल बा ।

प्रतिष्ठानके उपाध्यक्ष गोकुल घर्तीलगायत पुस्तकके लेखकहुक्रे कुन्साङ लामा, झरना बाम्बुले राई, डा कृष्णराज सर्वहारी लगायत प्रतिष्ठानसे २०७६÷७७ मे प्रकाशित पुस्तक विमोचन करल हुइट ।

विमोचित पुस्तकमे हरिचन छन्त्यालके छन्त्याल जातीय चिनारी, आङग्याल लामाके मुगालके विवाह गीत, दलसिंह राजवंशीके राजवंशी व्याकरण, गणेश कुमालके कुमाल लोककथा, टेकबहादुर तमुके तमु शब्दसंग्रह रहल बा ।

अस्टेक, झरना बाम्बुले राई तथा प्रकाशहरि राईके बाम्बुले भाषाके कविता, शिवहरि राईके चाम्लिङ गीत संग्रह, डंगौरा थारू भाषाके वर्ण निर्धारण, प्रतिष्ठानसे मातृभाषा दिवसमे आयोजित कविता कार्यक्रममे वाचित कविताके सँगालो थुंगालगायत रहल बा ।