सुदूरपश्चिममे ५२ जाने संक्रमित ठप्लै

पहुरा समाचारदाता
धनगढी, १४ पुस । सुदूरपश्चिम प्रदेशमे मंगरके रोज ५२ जाने कोरोना संक्रमित ठपल बटै ।

सामाजिक विकास मन्त्रालय सुदूरपश्चिम प्रदेशसे डेहल जानकारी अन्सार पछिल्का २४ घण्टामे कैगिल परिक्षणमे ५२ जाने कोरोना भाइरसके लौवा विमारी ठपल हुइट । प्रदेशमे अभिन १ लाख ३१ हजार २८६ जानेक स्वावके नमूना संकलन कैगिलमे १ लाख ३० हजार ६३२ नमूनाके जाँच करलमे १ लाख १७ हजार १८० नमूनाके रिपोर्ट निगेटिभ ओ १३ हजार ४५२ नमूनाके रिपोर्ट पोजेटिभ आइल रहे । ओम्ने १० हजार ९०७ जाने चोखागिल बटै कलेसे २४ सय ९५ सक्रिय संक्रमित रहल बटै ।

मंगरके रोज ठपल संक्रमितमे कैलालीके २३, कञ्चनपुरके १६, अछामके १, बैतडी ४, बझाङ, डडेल्धुरा ३÷३ ओ अन्य २ करके ५२ जाने रहल बटै ।