धनगढी उपमहानगरपालिकाद्धारा पशुस्वास्थ्य शिविरको आयोजना
पहुरा समाचारदाता
धनगढी, १६ पुस । धनगढी उपमहानगरपालिकाके आयोजनामे उपमहानगरपालिके वडा नम्बर १२ जुगेडामे बिफेकरोज एक डिने निःशुल्क पशुस्वास्थ्य तथा बाझोपन निवारण शिविर सुरु हुइल बा ।
पशुपालक किसानहुकनहे राहत पुगे कहिके शिविरके आयोजना करगिल उपमहानगरपालिका जनैले बा । उपमहानगरपालिकासे टमान ठाउँमे पशुस्वास्थ्य शिविर संचालन कर्टी अइटीरहल बा ।
नगरप्रमुख नृपबहादुर वड कहलै, ‘गाउँटोलमे पुगके आयोजना कैना शिविरसे किसान ढिउर से ढिउर सेवा लेहे सेकेपरट ।’ शिविरमे विज्ञ पशु चिकित्सकहुक्रे खटिल बटै नगरप्रमुख वड कहलै, ‘पशुपन्छीमे रहल सक्कु मेराइक रोगके निडान ओ उपचार हुइटी रहल बा ।’
धनगढी उपमहानगरपालिकाके उपप्रमुख सुशीला मिश्र भट्ट शिविरमे वडा नम्बर १२ के किसानहुक्रे बेराम ओ रोगी पशुके उपचार करे अइटीरहल बटैलिन । उहाँ कहलिन, ‘जुगेडा क्षेत्रमे पशुपालन किसानहुकनके संख्या ढिउर हुइल ओरसे शिविर संचालन करगिल हो ।’
शिविरमे वडा नम्बर १२ के अध्यक्ष गणेशप्रसाद जोशी अप्नही उपस्थित होके किसानहुकनहे सहगोग कैटीरहल बाटै । पशुचिकित्सक समिर ठाकुरके टोली शिविरमे खटल बा ।
