टीकापुर राजबन्दी परिवारहे आर्थिक सहयोग

पहुरा समाचारदाता
धनगढी, १८ पुस । थारु कल्याणकारीणी सभा युएई दुवई टीकापुर राजबन्दी परिवारहे माघ मनाइक लाग आर्थिक सहयोग करले बा ।

थारु विद्यार्थी समाजके जिल्लाके समन्वयमे युएई दुवई १० जाने राजबन्दी वरिवारहे जनही ११ हजारके दरसे आर्थिक सहयोग करल अध्यक्ष आशिष चौधरी बटैलैं ।

उहाँ टीकापुर राजबन्दी परिवारहे माघ मनाइक लाग सहयोग पुगे कना उद्देश्यसे विदेशमे रहिके क्रियाशील संघसंस्थासंग समन्वय करल बटैलैं ।

थारु विद्यार्थी समाज यिहिसे आघे फेन टमान व्यक्ति संघसंस्थाके समन्वयमे टीकापुर राजबन्दी परिवारहे सहयोग करटी आइल अध्यक्ष चौधरीले बटैलैं ।