पचास जाने जसपामे प्रवेश

पहुरा समाचारदाता
कञ्चनपुर, १९ पुस । कञ्चनपुर जिल्लाके लालझाडी गाउँपालिका–२ कञ्जगाउँमे शनिच्चरके रोज पचास जाने जनता समाजबादी पार्टीमे प्रवेश करले बटै ।

सुदूरपश्चिम प्रदेशसभाके सांसद मालामति रानाके वडका पहुनामे हुइल कार्यक्रममे तत्कालिका नेकपा माओबादीके ओरसे गाउँपालिकाके वडा सदस्य उम्मेदबार जयदिन राना ओ राष्ट्रिय जनमोर्चाके ओरसे गाउँपालिका अध्यक्षके उम्मेदवार बलराम राना लगायत पचास जाने जनता समाजबादी पार्टीमे प्रवेश करल अगुवा कार्यकर्ता गोविन्द राज राना जनैलै ।

कार्यक्रम पार्टीके पूर्व जिल्ला अध्यक्ष पल्टुराम रानाके अध्यक्षतामे हुइल रहे ।