सामुदायिक वहुउदेश्यीय सहकारीके अध्यक्षमे पाण्डे
पहुरा समाचारदाता
धनगढी, १९ पुस । धनगढी उप–महानगरपालिका–५, हसनपुरमे रहल सामुदायिक बहुउदेश्यीय सहकारी संस्था लिमिटेडके प्रारम्भिक साधारण सभा हुइल बा । सामुदायिक प्रहरी सेवा केन्द्र हसनपुरके प्राङणमे हुइल प्रारम्भिक साधारण सभासे जनकराज पाण्डेके अध्यक्षतामे ७ सदस्यीय संचालक समिती गठन करले बा ।
सभासे उपाध्यक्षमे कुबेरबहादुर शाही, सचिवमे लोकेश भट्ट, कोषाध्यक्षमे कुन्जा भट्ट ओ सदस्यमे जानकी चौधरी, दुर्गा कुमारी बम, समिर पन्तहे निर्विरोध निर्वाचित करले बा । ओस्टेक, सभासे लेखा समिति संयोजकमे गोबिन्द बोहरा ओ सदस्यमे नारायण धामी तथा ईश्वरी शाहीहे चयन करले बा ।
एक सय ६ जाने शेयर सदस्य रहल सहकारीके शेयर पुँजी ५४ लाख ८६ हजार रहल बा । धनगढी उप–महानगरपालिकाके उप–प्रमुख सुशिला मिश्र (भट्ट) के वडका पहुनामे हुइल उदघाटन समारोहमे तदर्थ समितिके उपाध्यक्ष कुबेरबहादुर शाही स्वागत मन्तव्य रख्ले रहिट ।
तदर्थ समितिके कोषाध्यक्ष कुञ्जा भट्ट लेखा प्रतिवेदन प्रस्तुत करल उदघाटन समारोहमे सचिव लोकेश भट्ट प्रगति प्रतिवेदन प्रस्तुत करल कार्यक्रम जनकराज पाण्डेके अध्यक्षतामे हुइल रहे ।
