मातृ तथा पेरिनेटल मृत्यु सम्बन्धी अभिमूखीकरण
पहुरा समाचारदाता
धनगढी, १९ पुस । धनगढी उपमहानगरपालिकासे आयोजना करल स्वास्थ्यकर्मीहुकनहे मातृ तथा पेरिनेटल मृत्यु, निगरानी तथा प्रतिकार्य सम्वन्धी अभिमूखीकरण कार्यक्रम हुइल बा ।
मातृ तथा पेरिनेटल मृत्य घटाइक लाग नगरके स्वास्थ्य संस्थामे कार्यरत स्वास्थ्यकर्मीहुकनहे अभिमूखीकरण डेहल हो । धनगढी उपमहानगरपालिकाके नगरप्रमुख नृपबहादुर वड मातृ तथा पेरिनेटल मृत्य घटैना स्वास्थ्यकर्मीके साथे स्वयं परिवारके सदस्य सचेत हुई पर्ना बटैलै ।
स्वास्थ्यकर्मी सही सल्लाह, परामर्श ओ उपचार सेवा डेहे सेक्लेसे मातृ तथा पेरिनेटल मृत्य घटाई सेक्जाई ।
धनगढी उप–महानगरपालिका उप–प्रमुख सुशिला मिश्र भट्ट मातृ तथा पेरिनेटल मृत्य दर घटाइक लाग निगरानी तथा प्रतिकार्य सम्वन्धी अभिमूखीकरणके आयोजना करल बटैली । धनगढी
उपमहानगरपालिकाके प्रमुख प्रशासकीय अधिकृत जगन्नाथ पन्त पछिल्का समयमे मातृ, पेरिनेटल मृत्यदर लगायत टमान स्वास्थ्य सुचकमे सुधार हुइटी आइल बटैलै ।
अभिमूकीकरण कार्यक्रममे डाक्टर खगेन्द्र बम, जनस्वास्थ्य अधिकृत जानकी पराजुली सहजीकरण करले रहिट ।
