बलात्कार अरोपमे एक जाने पक्राउ

पहुरा समाचारदाता
धनगढी, २२ पुस । धनगढीमे बालिकाहे बलात्कार करल आरोपमे एक युवक पक्राउ परल बाटै ।

जिल्ला प्रहरी कार्यालयके प्रवक्ता प्रहरी नायब उपरीक्षक प्रतीक बिष्ट धनगढीके ४ वर्षिया बालिकाहे बलात्कार हुइल बटैैलै । बलात्कार करल आरोपमे भारतके उत्तरप्रदेशके रविकुमार कोरीहे पक्राउ करल प्रहरी नायब उपरीक्षक बिष्ट बटैलै ।

ओहकान अनुसार पीडित पक्षसे डेहल जाहेरीके आधारमे निजहे पक्राउ कैके घटनाके अनुसन्धान हुइटी रहल बा । कोरी मामाक घरमे आइल बेला बालिकाउपर बलात्कार करल बुझल प्रहरी जनैले बा ।