सेवाग्राहीके सन्तुष्टि मापनसम्बन्धी अन्तरक्रिया

पहुरा समाचारदाता
धनगढी, २३ पुस । जिल्ला प्रशासन कार्यालय ओ जिल्ला प्रहरी कार्यालय कैलालीसे सेवाप्रवाहमे सेवाग्राहीके सन्तुष्टि मापनसम्बन्धी अन्तरक्रिया कार्यक्रम बिफेक रोज धनगढीमे हुइल बा ।

गृह मन्त्रालय नीति अनुसन्धान प्रतिष्ठान ओ नेपाल ल क्याम्पसके सहकार्यमे हुइल कार्यक्रममे जिल्लाके टमान सरोकारवाला निकायके सहभागिता रहे ।

कार्यक्रममे धनगढी उपमहानगरपालिकाके सुरेन्द्रसिंह कार्की, जिल्ला समन्वय समितिके बिमलप्रसाद जोशी, जिल्ला प्रहरी कार्यालयके महाचन्द्र बुढा, जिल्ला प्रशासन कार्यालय कैलालीके माधवराज फुलारालगायतके उपस्थिति रहे ।

नेपाल ल क्याम्पसके विद्यार्थी एवं अनुसन्धानकर्ता गंगादत्त जोशी ओ भुवेश पन्तके संयोजनमे हुइल कार्यक्रममे जिल्ला प्रशासन कार्यालय ओ जिल्ला प्रहरी कार्यालयसे डेजिना सेवा ओ सेवाग्राहीके विषयमे छलफल हुइल रहे ।