जेष्ठ तथा अपांगता रहल व्यक्तिहे डंडुर लुगरा

पहुरा समाचारदाता
हसुलिया, २३ पुस । कैलारी गाउँपालिका अन्तर्गतके जेष्ठ ओ अपांगता रहल व्यक्तिहे डंडुर लुगरा कम्रा (ब्लयाङकेट) वितरण करल बा ।

महिला तथा बालबालिका शाखाके सहयोगमे ४० जनहनहे उ कपडा वितरण करल हो । जौन मध्ये २७ जाने जेष्ठ नागरिक ओ बाँकी पूर्ण ओ अतिअसक्त अपांगता रहल व्यक्तिहे उ कपरा वितरण करल महिला तथा बालबालिका शाखा प्रमुख बालकुमारी चौधरी जानकारी डेली ।

गाउँपालिका अध्यक्ष लाजुराम चौधरी गाउँपालिकासे सक्कु जनहनहे समेटे नाइ सेक्लेसे फेन नीति तथा कार्यक्रम अन्तर्गत सक्कु वडा कार्यालय मार्फत सक्कु जेष्ठ नागरिक ओ अपांगता रहल व्यक्तिहे कपरा वितरण कैना बटैलै ।

कार्यक्रममे वडा नम्बर ५ के वडाध्यक्ष विष्णुप्रसाद चौधरी, वडा नम्बर ४ के अध्यक्ष भिखराम चौधरी लगायत मनतब्य राखल रहिट ।