व्यावसाय व्यवस्थापन तथा उद्यमशिलता विकास तालिम सुरु

पहुरा समाचारदाता
चौमाला, २३ पुस । कैलालीके गौरीगंगा नगरपालिका–१, चौमालामे पाँच दिने व्यावसाय व्यवस्थापन तथा उद्यमशिलता विकास तालिम सुरु हुइल बा ।

सभा नेपालके आयोजनामे हुइल तालिम उद्घाटन कार्यक्रमके वडका पहुना गौरीगंगा नगरपालिकाके नगरप्रमुख भीम देउवा रहिट ।

तालिमके उद्घाटन कार्यक्रममे बोल्टी उहाँ व्यावसायहे प्रमुख पेशा बनाके उत्पादनमे जोड रहिट । उत्पादन हुइल बस्तुके बजारीकरणमेफे उहाँ जोड डेहल रहिट ।

वडा अध्यक्ष जगतराम चौधरीके अध्यक्षतामे हुइल कार्यक्रममे कृषि शाखा प्रमुख दीपेन्द्र परियार, शोभा सुनार, प्रशिक्षक देवेन्द्र अधिकारी लगायतके पहुना रहिट ।

कार्यक्रमके संचालन तथा उद्देश्यबारे जानकारी सभा नेपालके जिल्ला कार्यक्रम संयोजक दलबहादुर ओली जानकारी डेहल रहिट ।

तालिममे गौरीगंगा नगरपालिका वडा नम्बर ४, २,१, ६ ओ ३ के ३४ जाने महिला सहभागिता रहल बा ।