कार्यकर्ता लेहे हसुलिया पुगल बस खाली घुमल, ठाउँ ठाउँमे विरोध
पहुरा समाचारदाता
धनगढी, २४ पुस । आज पुस २४ गते धनगढीमे प्रधानमन्त्री केपी शर्मा ओलीसे सम्बोधन हुइना जनसभाके लाग नेता तथा कार्यकर्ता लेहे पुगल बस खाली घुमल बा ।
जनसभाके लाग आपन नेताकार्य कर्ता लेहे हसुलिया पुगल ४ बस खाली घुमल हो । आज धनगढीके खुलामञ्चमे प्रधानमन्त्री ओलीसे १२ बजे सम्बोधन हुइना जनाइल बा । यहोर नेकपासे जनसभामे ५० हजार कार्यकर्ता उटर्ना दाबी करले बा ।
यहोर प्रधानमन्त्री ओली धनगढी अइनासे पहिलेहे ठाउँ ठाउँमे टायर बारके विरोध जनाइल बा । नेपाल कम्युनिष्ट पार्टीके प्रचण्ड–नेपाल समूहके विद्यार्थी शुकके धनगढीके ठाउँ ठाउँमे टायर बारके विरोध जनाइल हुइट ।
प्रधानमन्त्री ओलीके सम्बोधनके लाग मञ्च बनाइल खुलामञ्च लग्गे अनेरास्ववियूके कार्यकर्ताकके सकारे टायर बारके विरोध जनाइल हुइट ।
प्रतिनिधि सभा विघटनपाछे प्रधानमन्त्री ओली पहिलचो राजधानीबाहर आइ लागल बाटै । प्रधानमन्त्री ओलीके धनगढी यात्राके क्रममे तनाव हुइ सेक्ना अनुमान कैके सुरक्षा व्यवस्था कडा पारल बा ।
विमानस्थलमे तालिम प्राप्त कुकुरसहित सेना परिचालन करल बा कलेसे धनगढीके चोक चोकमे ढिउर संख्यामे नेपाल प्रहरी ओ सशस्त्र प्रहरी खटाइल बा ।
सम्बन्धित समाचार
