ढुक्क रही चुनाव बैशाखेमे हुइ : प्रम ओली
पहुरा समाचारदाता
धनगढी, २४ पुस । प्रधानमन्त्री केपी शर्मा ओलीसे चुनाव तोकल मितिमे हुइना दाबी करले बाटै । चुनाव तोकले मिति बैशाख १७ ओ २७ गते नै हुइ । ‘कतिपय चुनाव नैहुइ कहटी रहल बाटै । मै तेह्¥याके कहटुँ चुनाव बैशाख १७ गते शुक ओ २७ गते सोम्मारके हुइ । ढुक्क होके तयारीमे लागी,’ उहाँ कहलै ।
ओस्टके प्रधानमन्त्री ओली खराब तत्वहे गाउँमे ठेगान लगाइ पर्ना औंल्याइलै ।
‘भ्रष्ट देशद्रोही, विदेशी तत्वहे गाउँ गाउँसे ठेगान लगैबी । ओइसीन तत्वहे बस भोट न डेबी–प्रधानमन्त्री कहलै–‘ओइसीन तत्व अपनहे ठेगान लाग जैही ।’
ओस्टके प्रधानमन्त्री ओली देश विकासके लाग काम करुइया व्यक्तिहे जिटाइ पर्ना आपन नेता तथा कार्यकर्ताहुक्रनहे आग्रह करलै ।
‘मोर हस्ताक्षर कैके पठाइल उम्मेदारहे अपनेहुक्रे जिताके पठैबी, ओकर जिम्मेवारी मोर रही, ओ देशके विकासके जिम्मेवारी मै लेबु’, उहाँ कहलै ।
सम्बोधनके क्रममे प्रधानमन्त्री ओली प्रचण्ड–नेपाल समूहहे भगौडाके संज्ञा डेलै । उहाँ कहलै, ‘पार्टी छोरके भागल भगौडाके बात न सुन्बी ।’ उहाँ सुखी नेपाली समृद्ध नेपालके अभियानमे अपने लागल दाबी करलै ।
ओस्टके उहाँ नातेदारके पार्टी नाइ रहल बटैले बाटै । नेकपा पुष्पकमल दाहाल‘प्रचण्ड’–माधव नेपाल समूहहे लक्षित करटी उहाँ नेकपा जनताके पार्टी रहल बटैले बाटै ।
उहाँ कहलै, ‘छाइ पटुहिया, सम्धी, सालासालीके पार्टी नैहो इ । कोइ चोइँटा छुट जैटी किल नेकपा नाइ ओराइ ।’
सम्बन्धित समाचार
सुदूरपश्चिम प्रदेशहे पाछे पर्ना तागत केक्रोठन नैहो : प्रधानमन्त्री ओली
कार्यकर्ता लेहे हसुलिया पुगल बस खाली घुमल, ठाउँ ठाउँमे विरोध
