थप १५ जहनमे कोरोना संक्रमण पुष्टि

पहुरा समाचारदाता
धनगढी, २४ पुस । सुदूरपश्चिम प्रदेशमे शुकके रोज थप १५ जहनमे लौव कोरोना संक्रमित थपल बाटै ।

धनगढी स्थित सेती प्रादेशिक अस्पताल प्रयोगशालामे १ सय ६४ जहनके नमूना परीक्षण करेबेर थप १५ जहनमे कोरोना पुष्टि हुइल हो ।

अस्पतालके सूचना अधिकारी दिलिपकुमार श्रेष्ठके अन्सार कैलालीके धनगढी उपमहानगरपालिकाके ५ जने, गोदावरी नगरपालिकाके २ जहनमे कोरोना संक्रमण पुष्टि हुइल हो ।

ओस्टके, कञ्चनपुरके भिमदत्त नगरपालिकाके ५ जने, बेदकोट नगरपालिकाके १ जने, शुक्लाफाँटा नगरपालिकाके १ जने, ओ दोधराचाँदनीके १ जहनमे कोरोना संक्रमण पुष्टि हुइल सूचना अधिकारी श्रेष्ठ जानकारी डेलै ।