एलपिएलके मुख्य प्रायोजक चण्डिका ग्रुप
पहुरा समाचारदाता
धनगढी, २५ पुस । फागुन १५ गतेसे २४ गतेसम धनगढीमे हुइना एलपिएलके पाँचौ संस्करणके मुख्य प्रायोजक टीकापुरके चण्डिका ग्रुप हुइना हुइल बा ।
फागुन तिसरा अँठ्वारसे धनगढीमे हुइना लिटल फ्लावर प्रिमियर लिगके पाँचौ संस्करणमे चण्डिका ग्रुपसे मुख्य प्रायोजकके रुपमे सम्झौता करल हो । लिटल फ्लावर स्पोर्टस एण्ड ईभेन्ट्के आयोजनामे हुइना प्रतियोगिताके प्रायोजन सम्झौता हुइल बा । आयोजकके ओरसे संस्थापक रामचन्द्र शाही ओ ओएसिस कलेज अफ होटेल म्यानेजमेन्टके ओरसे निर्देशक रमेश विष्ट सम्झौता पत्रमे हस्ताक्षर करल रहिट ।
ओएसिस कलेज अफ होटेल म्यानेजमेन्टसे पाछेक चार बरससे धनगढीमे होटेल म्यानेजमेन्टके अध्यापन करैटी आइल बा ।
धनगढी चटकपुरमे रहल होटेल फ्लोराके पाछे ओर रहल भवनसँगे रहल कलेजसे सिटीईभिटीसे मान्यता लेके होटेल म्यानेजमेन्टका डिप्लोमे कोर्ष अध्यापन करैटी आइल बा ।
अध्यापनके साथे प्राविधिक सहयोग ओ रोजगारीके लाग फेन विद्यार्थीहुक्रनहे सहयोग करटी आइल बा ।
