पूर्व पत्रकार उपाध्यायके निधन

पहुरा समाचारदाता
धनगढी, २६ पुस । कैलाली धनगढीके पूर्व पत्रकार अम्बिकाप्रसाद उपाध्यायके निधन हुइल बा । धनगढी उपमहानगरपालिका–८, क्याम्पसचौक निवासी करिब ७३ वर्षिय उपाध्यायके आज निधन हुइल हो ।

२०३८ से २०४८ के अवधीमे धनगढीसे प्रकाशित हुइना मातृ सन्देश साप्ताहिक पत्रिकाके सम्पादक रहल उपाध्यायमे अक्सिजन तथा स्वासप्रस्वास सम्बन्धी समस्या रहल बटागिल बा ।

पञ्चायतकालमे मजदुर आन्दोलनके नेतृत्व करल उहाँ राष्ट्रिय प्रजातन्त्र पार्टीमे आवद्ध रहिट । पाछेक समय उहाँ कैलाली बहुमुखी क्याम्पस धनगढीके क्याम्पस व्यवस्थापन समितिके कोषाध्यक्ष पदमे कार्यरत रहल धनगढीके अग्रज पत्रकार घनबहादुर शाह बटैलैं ।