दिनेश अटोमोटिभ्स नानल डोमिनर २५० एफआइ एबिएस

पहुरा समाचारदाता
धनगढी, २६ पुस । दिनेश अटोमोटिभ्स धनगढी बजाजके ‘डोमिनर २५० एफआइ एविएस’ बे्रक्रिङ सिस्टम रहल लावा मोडलके मोटरसाइकल नन्ले बा ।

लावा मोडलके उ गाडीके अँटवारके रोज एक कार्यक्रमके विच सार्वजनिक कैगिल बा । दिनेश ग्रुपके कार्यकारी निर्देशक श्याम हमाल कम्पनीके रणनिति बारे चर्चा करटी उ मोटरसाइकल ग्राहकहुकनमे लावा जोश ओ अनुभव प्रदान कैना बटैलै । डोमिनर बाईकके लावा मोडल सार्वजनिक हुइलठेनसे अपन आधुनिक एवम पृथम डिजाईन ओ उत्कृष्ट परफमेन्सके लाग परिचित रहल उहाँ जनैलै ।

उ मोटरसाइकलके विशेषताबारे जानकारी डेटी दिनेश अटोमोटिभ्स धनगढीके प्रबन्धक तेज बम सीमित समयके लाग बिक्रि मोल ४ लाख ८९ हार ९०० रहल जनैलै । लावा सार्वजनिक हुइल मोटरसाइकलमे डबल स्पार्क पल्क रहल डिटिएस आइ इन्जन रहल बा ।