भुरा खेलसे ईन्द्रादेवी भल्मन्सा बन्ली

पहुरा समाचारदाता
पहलमानपुर, ३ माघ । घोडाघोडी नगरपालिका वडा नम्बर १० लठैया गाउँमे भुरा खेल निम्जल बा ।

शुकके रोज हुइल भुरा खेलसे ईन्द्रादेवी चौधरी सबके सहमतिमे भल्मन्सा चुनल बाटी । उहाँ दुई बसरके लाग भल्मन्सा चुनल पुरान भल्मन्सा श्रवण चौधरी बटैलैं ।

टमान संघसंस्था ओ आपन गाउँक टमान विकास निर्माण क्षेत्रमे हरडम अग्रपंक्तिमे रहिके काम करटी आइल उहाँ यी बेर गाउँक भल्मन्सा बनके आपन क्षमता डेखाइ लागल बाटी । उहाँ गाउँ चलाइक लाग आपन कन्धा बलगर बनाके गाउँक नेतृत्व सम्हारे आघे बर्हल बटैली ।