सुदूरपश्चिम स्पोर्ट्स अवार्ड आयोजना हुइना

पहुरा समाचारदाता
धनगढी, ५ माघ । नेपाल खेलकुद पत्रकार मञ्च कैलाली शाखाके आयोजनामे सुदूरपश्चिम स्पोर्ट्स अवार्ड २०७७ के आयोजना हुइना हुइल बा ।

मञ्चसे अइना चैत ६ गते धनगढीमे डुसराचो स्पोर्ट्स अवार्ड कार्यक्रमके आयोजना करे लागल हो । नौ विधामे अवार्ड प्रदान करजैना मञ्चसे अँट्वारके आयोजित पत्रकार सम्मेलनमे अध्यक्ष सीताराम ओझा जानकारी डेलै ।

गैल बरस पुसमे पहिल संस्करण अवार्ड आयोजना करल मञ्चसे छ विधामे अवार्ड वितरण करल रहे । इ बरस तीनठो विधा थपल जनाइल बा । अवार्ड विजेताहे ३० हजारसे २० हजार रुपैयाँसम पुरस्कार ओ मेडल प्रदान करजैना जनाइल बा ।