सिसैया गाउँक भल्मन्सामे हरिलाल

पहुरा समाचारदाता
पहलमानपुर, ५ माघ । कैलालीके घोडाघोडी नगरपालिका वडा नम्बर ११ सिसैया गाउँमे भल्मन्सा हरिलाल चौधरी चुनल बटै ।

अँटवारके रोज हुइल भुरा खेलसे एक बरसके लाग लौवा नेतृत्व चयन करल हो । गाउँक चौकीदारमे सुशील चौधरी ओ गाउँक सचिवमे नरेश चौधरी चयन हुईल बटै । ओस्टेक करके भल्मन्साके सहयोगीमे हरेक टोलसे एक/एक जाने चयन हुईल बटै ।

सहयोगीमे पन्डित राम कठरिया, जुगरीदेबी कठरिया, दिनेश चौधरी ओ जगराम चौधरी लगायतके रहल बटै । इ बरस गाउँमे युवाहुक्रे नेतृत्व सम्हरले बाटैं ।