‘दिन गिन गिन…’ मे पल ओ गरिमाके जोरी

पहुरा समाचारदाता
धनगढी, ७ माघ । नेपाली सिने जगतके चर्चित हिरो पल शाह ओ गरिमा शर्माके मुख्य मोडलि· रहल थारु म्युजिक भिडियो ‘दिन गिन गिन…’ सार्वजनिक हुइल बा ।

इहीसे आघे ‘पहाडी बठिनिया…’ पल ओ वर्षा रावतके जोरीहे खुब रुचाइल दर्शकहुक्रे लावा म्युजिक भिडियो आइलपाछे उहाँहुक्रनके जोरीहे फेन खुब मन परैटी रहल बाटै । शब्द संगीत गायक नरेश जोगीके रहल गीतमे स्वर नरेश जोगी ओ अन्नु चौधरीके रहल बा ।

म्युजिक भिडियो सार्वजनिक हुइलसंगे नायक शाह सक्कु दर्शक हुक्रनहे ‘रामराम’ कहटी भिडियो कैसिन लागल प्रतिक्रिया डेबी, मन परलमे लाइक ओ सेयर फेन कैडेबी कना अनुरोध करले बाटै ।

यकर पाछे नायक शाह ओ शर्माके थारु म्युजिक भिडियो मेरी थरुनी फेन हाली सार्वजनिक हुइना जनाइल बा ।